20 09 2022
Երկամսյա դադարից հետո կրկին հետաձգեց «Սիլվայի գործով» լսումները
Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, երկամսյա դադարից հետո կրկին հետաձգեց «Սիլվայի գործով» լսումները։
«Հայաստան» դաշինքի պատգամավոր Արմեն Գևորգյանի պաշտպան Լուսինե Սահակյանը վատառողջ լինելու պատճառով չի կարողացել ներկայանալ դատարան, ինչի մասին նախապես տեղեկացրել է դատարանին։
Հաշվի առնելով, որ դատարանը թույլատրել է Արմեն Գևորգյանին ԱԺ պատվիրակության կազմում մեկնել Հայաստանի Հանրապետությունից, սեպտեմբերի 21-28 ներառյալ, հաջորդ դատական նիստը դատավոր Դանիբեկյանը նշանակեց հոկտեմբերի 4-ին, ժամը 13։00-ին։
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը
