Ավանցիները թույլ չեն տալու պղնձաձուլարան հիմնել այստեղ, թող գնան ուրիշ տարածքում հիմնեն իրենց բիզնեսը. փորձագետ

Մենք այսօր Ավանի բնակիչներով ևս մեկ անգամ հավաքվեցինք և արձանագրեցինք, որ չենք ուզում որ համայնքում ևս մեկ արտադրական գործունեություն ծավալվի, ինչի հետևանքով կաղտոտվի Երևանի օդը ու հանրային առողջության վրա  թանկ կնստի:

Այսպիսի կարծիք հայտնեց այսօր  պետական կառավարման փորձագետ  Ավանի բնակիչ Հովհաննես Ավետիսյանը՝ Ավանի թաղապետարանում կազմակերպած հանրային լսումների ժամանակ, որտեղ քննարկվում էր Ավանում պղնձաձուլարան հիմնելու ոմն անհայտ գործարարի բիզնես-պլանն ու  դրա հնարավոր ռիսկերը՝ օդի աղտոտվածությունն հնարացոր խտացնելու մասով ու հանրային առողջության վրա:  Հովհաննես Ավետիսյանը որպես ավանցի,  վստահ է համայնքի բնակիչները կամք ունեն և միասնականորեն կպայքարեն կհասնեն իրենց հաղթանակին:

Հիշեցնենք,  Ավանում այս աղմկահարույց նախագծի շուրջ դեռ անցած տարվանից են բուռն քննարկումներ ծավալվում: Բնակչությւոնը դեմ է ու բազմաթիվ անգամներ հանրային քննարկումներին միասնական կերպով մասնակցել և իր ԴԵՄ դիրքորոշում  է   հայտնել:

Նշենք, նախագիծը «Քոփփեռ» ՍՊԸ-ինն է: Այս ընկերությունը  վերջին տարիներին Ավանում երկաթ, պղինձ, ալյումին և մետաղյա այլ ջարդոնների ընդունման կետ էր բացել, հիմա էլ նախատեսում է դրանց ձուլարանն ստեղծել:

Ընտրված վայրը՝ Ավան,Աճառյան 2 հասցե, հայտ ներկայացրած ընկեության անվանումը «Քոփփեռ» ՍՊԸ: Գործարարի անձը գաղտնի է պահվում, քաղաքապետարանից կցկտուր ակնարկներ են անում, թե պրոիշխանական մեկն է, բայց անունը չեն հայտնում: Փաստացի Ավանի օդն աղտոտելու մտադրության տերը պետռեգիստրում  որպես կազմակերպություն՝ գրանցվել է 2018 հեղափոխությունից հետո, ու հիմա սույն «Քոփփեռ» անկենսագիր ընկերության համար հենց Երևանի սրտում մետաղ ձուլելու հնարաավորություն և Ավանի օդն արտանետումներով հարամելու իրավունքներ կտրվեն, քանի որ հետևողական չեղան ավանցիները, իսկ Երևանի քաղաքային իշխանության ու կառավարության առճակատումն ավարտվեց Հայկ Մարությանի հրաժարականով:

Սյուզի Բադոյան