Հայաստան ներթափանցած և սպանություն իրականացրած ադրբեջանցին դատապարվեց 20 տարվա ազատազրկման

Կապանի դատարանը ադրբեջանցի զինծառայող Հուսեյն Ախունդովին դատապարտեց 20 տարվա ազատազրկման՝ մեղավոր ճանաչելով Զանգեզուրի պղնձամոլիբդենային կոմբինատի անվտանգության աշխատակից 56-ամյա Հայրապետ Մելիքսեթյանին սպանելու մեջ։

Հիշեցնենք, որ Ախունդովը և մեկ այլ զինծառայող՝ Ագշին Բաբիրովը Սյունիք ներթափանցել էին Նախիջևանից։ Նրանց երկուսին էլ բռնել էին գյուղացիները։ Բաբիրովը բռնվել էր ավելի վաղ, իսկ Ախունդովը մինչ բռնվելը սպանություն էր իրականացրել։

Նիկոլ Փաշինյանը ԱԺ-ում ունեցած ելույթում հայտարարել էր, թե նրանք փախել են զորամասից, քանի որ ճնշումների էին ենթփարկվել և ցանկություն ունեն վերադառնալ։

Ագշին Բաբիրովին դատարանը 11 տարվա ազատազրկման էր դատապարտել՝ սահմանն ապօրինի հատելու, պետական սահմանով հրազեն և ռազմամթերք ապօրինի տեղափոխելու համար։