Տպավորություն էր, որ դատախազը գտնվում էր ցայտնոտի մեջ, անհասկանլի էր դրսևորած վարքագիծը. Էրիկ Ալեքսանյան

Հարցուպատասխանի ձևով անցավ մեր վերաքննիչ բողոքի քննությունը, ինչն ավելի արդյունավետ է հիմքերի մատուցման տեսանկյունից: Այս մասին Վերաքննիչ դատարանի դիմաց լրագրողների հետ ճեպազրույցում ասաց պրոֆեսոր Արմեն Չարչյանի փաստաբան Էրիկ Ալեքսանյանը:

Նրա խոսքով՝ իրենք ներկայացրել են տեսաձայնագրությունն ամբողջությամբ, որն առհասարակ հերքում է հիմնավոր կասկածի գոյությունը:

«Դատախազը ներկայացրեց իր փաստարկները, շատ անհիմն փաստարկներ ներկայացրեց, տպավորություն էր, որ ցայտնոտի մեջ էր: Սկզբում մենք պայմանավորվեցինք, որ բողոքի քննությունը այսօր պետք է ավարտենք, դատախազությունը չառարկեց, բայց հետո ասաց, որ չի ցանկանում բողոքի քննությանը մասնակցել»,-ասաց նա: