Գոյության կռիվ. կանխել տոների գողացումը․ Անդրանիկ Թևանյանի գրառումը

ԱԺ «Հայաստան» խմբակցության պատգամավոր Անդրանիկ Թևանյանի գրառումը. «Գոյության կռիվ. կանխել տոների գողացումը

Հայաստանի գլխավոր տոնը սեպտեմբերի 21-ին է, որի հիմքերը դրվել են օգոստոսի 23-ին:

Սեպտեմբերի 21-ին ու օգոստոսի 23-ին տեր կանգնելու խորհրդանշական օրը Եռատոնն էր: Մայիսի 9, սակայն, մեզանից գողացվեց նոյեմբերի 9-ին: Գողությունը շարունակվում է ու նոր «բնագծեր» նվաճում:

Եթե 32 տարի առաջ օգոստոսի 23-ին ամրագրված ՀՀ առաքելությունը, մասնավորապես, Արցախի ու Հայոց ցեղասպանության մասով զրոյացվի (ինչն իրականացնում են օրվա իշխանությունները), ապա մեր երկրի գոյությունը կիմաստազրկվի:

Սեպտեմբերի 21-ին տեր կանգնելու համար օգոստոսի 23-ը պետք է գնահատել ու որևէ պարագայում թույլ չտալ նոր նոյեմբերի 9-ը, ինչի գլխավոր նախապայմանն իշխանափոխությունն է՝ առողջ, պրոֆեսիոնալ, ազգային, պետական մտածելակերպով իշխանության ձևավորումը»: