Չպետք է զոհաբերենք արցախցիներին դիվանագիտական խաղերին․ Եվրոպական Խորհրդարանի պատգամավոր

«Արախի կարգավիճակի հարցը, կարծում եմ, առաջին հերթին պետք որոշեն արցախցիները․ այն չի կարող պարտադրվել որևէ դիվանագիտական շանտաժի միջոցով»,- մամուլի ասուլիսում հայտարարեց Եվրոպական Խորհրդարանի պատգամավոր Ֆաբիո Մասիմո Կաստալդոն։

Արցախցիները, նրա խոսքով, շարունակելու են իրենց կյանքն ըստ ավանդույթների, ըստ տեսլականի, ըստ ծագման, ուստի կոչ է անում գտնելու լուծում, որը կապահովի արցախցիների իրավունքների իրականացումը, հարգանքը նրանց նկատմամբ բանակցությունների, ոչ թե ճնշման կամ պարտադրանքի միջոցով։ «Չպետք է զոհաբերենք այդ մարդկանց դիվանագիտական խաղերին։ Կարգավաճակը ինչ կկոչվի, կախված է նրանց ցանկության արտահայտումից և միջազգային ճնշումից, որ կարող է գործադրվել բանակցությունների արդյունավետությունն ապահովելու ուղղությամբ»,- ասաց եվրոպական խորհրդարանի պատգամավորը։

Մանրամասն՝ տեսանյութում։