Պրոադրբեջանական կողմնորոշում ունեցող եվրոպացի պաշտոնյաների վրա հույս դնողներ դեռ կա՞ն․ Աննա Կոստանյան

ԱԺ նախկին պատգամավոր Աննա Կոստանյանը ֆեյսբուքյան էջում գրում է․

«Պրոադրբեջանական կողմնորոշում ունեցող եվրոպացի պաշտոնյաների վրա հույս դնողներ դեռ կա՞ն։ Ակնհայտ կողմնակալ դիրքորոշում ունեցող պաշտոնյան պարբերաբար արդարացնում է ադրբեջանական պահանջները Լաչինի միջանցքի շուրջ։

Ո՞րն է լինելու զրոյական այն կետը, որից հետո հայ հասարակությունը վերջնականապես կհասկանա, որ օտարի վրա հույս դնելը պատմական այս շրջափուլում հայկական երկու պետությունները պահելու կամ կորցնելու հերթական, գուցե վերջնական արարն է լինելու»։

Հիշեցնենք, որ Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարն Ադրբեջանում հայտարարել էր․ «Երևանի և Բաքվի ղեկավարներն ունեն քաղաքական կամք՝ վերացնելու այս հակամարտության հետևանքները։ Այս տեսանկյունից մենք կարծում ենք, որ նախագահ Ալիևը հավատարիմ է այս գործընթացին, իսկ վարչապետ Փաշինյանը պարտավորություններ ունի։ Բայց կրկին, սա ժամանակ է պահանջում և հեշտ գործընթաց չէ»:

Նա նաև նշել էր, թե Լաչինի միջանցքով փոխադրումների թափանցիկության ապահովման՝ Ադրբեջանի գաղափարը միանգամայն օրինական է։