Ադրբեջանը հենց այնպես «բարի կամք» չի դրսևորում, հետո կպարզվի, թե այս անգամ ինչ զիջումների դիմաց է. Թագուհի Թովմասյան

«Հայաստանի իշխանությունը որքան շատ է խոսում խաղաղության մասին, այդքան շատ տեղի է ունենում ագրեսիա», -ԱԺ-ում տեղիունեցած ճեպազրույցի ժամանակ ասաց «Պատիվ ունեմ» խմբակցության պատգամավոր Թագուհի Թովմասյանը։

«Ես Վարդենիսում շատ հաճախ լսում եմ կրակոցներ, դրանք շատ հաճախ կոչում եմ «խաղաղության կրակոցներ», ու այդ կրակոցների  տակ գիշերում է սահմանամերձ բնակչության մեծամասնությունը, և հաշվի առնելով այդ իրողությւոնը ես ուղղակի չեմ հավատում այդ խաղաղաությանը»,- նշեց նա։

 «Շատ եմ ուզում, բայց չեմ հավատում, չեմ հավատում նաև, որ որևէ փաստաթղթի ստորագրումից հետո դա կպահպանվի, որովհետև մենք նման փորձ ունենք»,- ասաց Թովմասյանը:

Խոսելով գերիների վերադարձման մասին պատգամավորն ասաց.

«Ուրախ եմ, որ գերիները վերադառնում են, բայց տխուր է արձանագրել, որ Արցախի ռազմաքաղաքական ղեկավարներից որևէ մեկը վերադարձողների ցուցակում չկա: Ադրբեջանը , երբ «բարի կամք է դրսևորել»  ու  բաց է թողել հայ գերիներին, հետո պարզել ենք դրա դիմաց քարտեզներ են տրվել , զիջումների են գնացել…  Որոշ ժամանակ պետք է անցնի, որ հասկանանք, թե այս անգամ ինչ զիջումների են գնացել»,-ասաց Թագուհի Թովմասյանը: