Նոր ընտրական օրենսգիրքը․Նախագիծ

ՀՀ կառավարությունը հոկտեմբերի 16-ի նիստի ժամանակ հավանություն տվեց ընտրական օրենսգրքին և այն ուղարկեց Ազգային ժողով։

Արդարադատության նախարար Արտակ Զեյնալյանը ներկայացրեց հիմնական փոփոխությունները․

• Թեկնածուների տարածքային ցուցակների վերացում, պարզ համամասնական ընտրակարգի ընդունում։
• Կոալիցիաների ձևավորման սահմանափակումների վերացում և ժամկետների ընդլայնում՝ 6-ից դարձնելով 10 օր։
• Ընտրվելու նվազագույն շեմի իջեցում կուսակցությունների համար 5-ի փոխարեն չորս տոկոս, դաշինքների համար՝ 6 տոկոս 7-ի փոխարեն։
• Ընտրագրավը աշխատավարձի տաս հազարապատիկի փոխարեն՝ 7,5 հազարապատիկ։
• Ընտրագրավը կվերադարձվի 4-ի փոխարեն 2 և ավելի տոկոս հավաքելու դեպքում։
• Ներկա 3-ի փոխարեն 4 կուսակցությունների ապահովում խորհդարանում։
• Կանանց տոկոսի ավելացում՝ 25-ի փոխարեն 30 տոկոս։
• Բոնուսային համակարգի վերացում Երևանի, Գյումրու, Վանաձորի ընտրությունների համար։

Փոփոխությունները խորհրդարանը կքննարկի արտահերթ ռեժիմով։