Միայն այս մեթոդներով կարող ենք պայքարել կորոնավիրուսի դեմ. Էդմոն Մարուքյան

ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքի իր էջում ուղիղ հեռարձակմամբ անդրադարձավ կորոնավիրուսի հաղթահարմանն ու չտարածելու մեխանիզմներին:

Էդմոն Մարությանն ասաց, որ պետք է սահմանափակվի քաղաքացիների շարժը, հանդիպումները, պետք է փակվեն ժամանցի վայրերը:

«Այսօրվանից պետք է դառնանք շատ կարգապահ ազգ: Կա աշխարհի փորձը. այն երկրները, որոնք կարգապահ ձևով Չինաստանում, Սինգապուրում գործողություններ են իրականացրել առանց ձեռ առնելու, հումորների, նրանք հաղթել են համաճարակին: ՀՀ-ում պետք է գնանք նույն ճանապարհով:

«Ոչ թե պետք է տեսնելիս չբարևել, այլ չտեսնել իրար, խոսել սկայպով, շփվել ինտերնետի միջոցով, որովհետև տեսնելուց չբարևելը չի փրկում կորոնավիրուսից: Եթե հիվանդ եղավ մարդը, մեկ մետր հեռավորության վրա լինի, շատ հնարավոր է, որ լինի վարակում:

Թատրոններ, համերգներ, ներկայացումներ, բոլորը պետք է դադարեցնել, և պետությունը պետք է միջամտի, արգելի: Մարդ կա, զանգել է, հարցնում է, պետությունն արգելե՞լ է հարսանիքները: Ես ասում եմ՝ մի արեք հարսանիք, հետաձգեք: Բայց մարդն ուզում է, որ պետությունն ասի՝ հարսանիք մի արեք, որ ինքն էլ ասի պետությունը չի թողնում ու չանի: Պետական մոտեցումը շատ կարևոր է:

Ինչ վերաբերում է հուղարկավորություններին, ապա խետք է շատ քիչ մարդկանցով գնալ ու դա անել, նման տեղերում հավաքվելիս իրարից հեռու կանգնել: Սրճարաններ, ռեստորաններ պետք է փակվեն: Իտալիայում դրա չփակվելու հետևանքն է եղել կորոնավիրուսի տարածումը, դպրոցները փակել են, ժամանցի վայրերը՝ ոչ:

Հասարակական տրանսպորտը վարակի տարածման ամենահիմնական միջոցն է: Պետք է տարբերակ գտնել և հասարակական տրանսպորտի շարժը հնարավորինս սահմանափակել, քիչ լինի քաղաքացիների շարժը: Պետք է գործեն միայն խանութները, դեղատները և շրջեն այն մեքենաները, որոնք սնունդ են ապահովում այդ խանութներին ու դեղատներին: Մարդիկ պետք է գնան խանութներից սնունդ առնեն, բերեն տուն առանց շփումների: Համաճարակի դեմ կարելի է պայքարել միայն այս մեթոդներով: Պետք է 14 օր մտնել այս ռեժիմի մեջ, ով հիվանդա բուժել այս ռեժիմի մեջ ու կանխել տարածումը»,-ասաց Մարուքյանը: