Շատ պետական պաշտոնյաների համար ծանր է ընդունել փաստը, որ իրենք ևս Արցախը հանձնող են․ Վարոսյան

Փաստաբան Երվանդ Վարոսյանն իր ֆեյսբուքյան էջում գրել է․

«Անշուշտ շատ պետական պաշտոնյաների համար ծանր է ընդունել փաստը, որ իրենք ևս Արցախը հանձնող են։ Ծանր ու նյարդայնացնող է հատկապես այն պաշտոնյաների համար, ովքեր ներքուստ դա գիտակցում են անգամ առանց բացատրելու։

Սակայն փաստն ինչքան էլ լինի նյարդայնացնող, ինչքան էլ ծանր, դա միևնույն է` փաստ է։ Իսկ փաստն այն է, որ երեք տարում Հայաստանը կործանած ապիկար իշխանության ցանկացած կամայական պատվեր, ապօրինի հրահանգ կամ քմահաճույք կատարած ցանկացած պաշտոնյա նրանց գործածի համակատարողն է, անկախ այն բանից, թե գիտակցել է իր քայլերի հետևանքներն ընդհանուր համայնապատկերում, թե ոչ»։