Այս քրեական գործով Փաշինյանի ընտանիքը ընդունել է, որ կերել են այդ խավիարը. Նարեկ Սամսոնյան

Կտրոն ունենալ պետք չէ, քանի որ խավիարը գնելու մասին խոսք չի եղել, խոսքն այն մասին էր, որ ես ի ցույց եմ դրել վարչապետի ընտանիքի աչքածակությունը, չտեսությունը և գործով դա չի հերքվել: Այս մասին այսօր՝ հունվարի 21-ին լրագրողների հետ զրույցում ասաց «Քաղաքացիական գիտակցություն» ՀԿ նախագահ, «Անտիֆեյք» կայքի հիմնադիր Նարեկ Սամսոնյանը՝ անդրադառնալով իր դեմ հարուցված քրեական գործին:

«Դա եղել է 100 տոկոսանոց իրականություն, ավելին՝ գործով դա չի հերքվել, և հենց դա է պատճառը, որ սա դարձել է քրեական գործ: Ի դեպ, սուտ մատնությունը ոչ թե վերաբերում է խավիար ուտել-չուտելուն, այլ նրան՝ արդյո՞ք վարչապետը հանձնարարել է որևէ մեկին, գնալ և տուգանել խավիարը վաճառողներին, թե ոչ: Այսինքն` իրենք քրեական գործով ընդունել են, որ իրենք կերել են այդ խավիարը և հերքել են մի փաստ, որ վարչապետը գնացել ու հանձնարարել է ՊԵԿ-ի ղեկավարին, որ գնա և տուգանի այդ ռեստորանատիրոջը»,- ասաց Նարեկ Սամսոնյանը:

Մանրամասն՝ տեսանյութում։