90-ականների արտագաղթից առավել զարհուրելի արտագաղթ է լինելու. Նաիրա Զոհրաբյան

«Զվարթնոց» օդանավակայանում արմագեդոն էր, պիտի տեսնել, թե ինչպես են մեր հայրենակիցները ընտանիքների, նորածին երեխաների հետ փախչում Հայաստանից, նրանցից որևէ մեկին չեմ մեղադրում: Այս մասին լրագրողների հետ հանդիպման ժամանակ նշեց ԱԺ ԲՀԿ խմբակցության պատգամավոր Նաիրա Զոհրաբյանը:

 «Երեկ երեկոյան՝ 23:30-ին Երևան-Մոսկվա միակողմանի թռիչը հասավ մինչև 750 դոլարի, առաջիկա օրերին Երևան-Մոսկվա թռիչքը երևի աճուրդում լոտերով սկսելու են վաճառել: Սա 90-ականների արտագաղթից առավել զարհուրելի արտագաղթ է լինելու: Ցավոք սրտի, մեր հարյուրհազարավոր քաղաքացիների համար այսօր Հայաստանն իր և իր երեխաների համար ամենավտանգավոր երկիրն է»,-ասաց նա: