Հայրենիքի փրկության շարժման շտաբը կլինի Օպերայում

Մենք կտրուկ անվանում ենք այն քայլերը, որոնք շատ բնական են այս իրավիճակում: Ասաց «Հայրենիքի փրկության» շարժման վարչապետի թեկնածու Վազգեն Մանուկյանը:

«Մենք ունեցել ենք սարսափելի խայտառակ պարտություն պատերազմում, ոմանք ինձ ասում են՝ խեղճ Նիկոլն ի՞նչ աներ, մեկ է պատերազմը լինելու էր, մեկ է մենք պարտվելու էինք, բայց բազմաթիվ ապացույցներ կան, որ պատերազմում ինչեր են տեղի ունեցել ու ոնց կարելի էր անել, որ պատերազմ չսկսվեր: Հիմա պատերազմը վերջացավ, զինադադարի պայմանագիր կնքվեց, ինչո՞ւ դրանից հետո մի հատ էլ թուղթ ստորագրվեց, որ մեր զորքը Կուբաթլուն, Զանգելանը թողեց ու դրանից հետո մենք ունեցանք խնդիրներ Սյունիքի սահմանում, դա ինչո՞վ կբացատրեն: Պատկերացրեք, որ Նիկոլ Փաշինյանը մնա իշխանության, ինչ է լինելու Հայաստանում: Հայաստանում մի ղեկավար, որը ման է գալիս բրոնի ժիլետով, տասնյակ մեքենաներով և միշտ հավաքում է ոստիկաններին, երկրի ղեկավար, որն արտաքին աշխարհի հետ խոսելիս խեղճացած վիճակում է, ինչ իրենից պահանջեն, կանի»: