Ադրբեջանի հետ հարաբերությունների կարգավորումը հարկավոր է Հայաստանին. Իլհամ Ալիև

Ներկա իրավիճակում ես կարծում եմ, որ Հայաստանը պետք է ավելի շատ ջանքեր գործադրի Ադրբեջանի հետ հարաբերությունների կարգավորման համար, քանի որ դա կարևոր է նրանց համար: Այդ մասին, ինչպես հայտնում է Sputnik Азербайджан-ը,  թուրքական Anadolu-ին տված հարցազրույցում ասել է Ադրբեջանի նախագահ Իլհամ Ալիևը:

«Մենք կարող ենք ապրել առանց դրա, իսկ Հայաստանի դրությունը պատերազմից հետո վատթարացել է:

Հայաստանը նաև առաջին հերթին պետք է ձգտի Թուրքիայի հետ հարաբերությունների կարգավորմանը։  Միևնույն ժամանակ պետք է կարգավորի հարաբերություններն Ադրբեջանի հետ։  Թող որոշի իր սահմանները Թուրքիայի և Ադրբեջանի հետ»,- ասել է Ալիևը: