Անհիմն չեն այն պնդումները, որ ՀՀ իշխանությունները ձեռ են քաշել Արցախից․ Խոսրով Հարությունյան

 «Ադրբեջանը  աստիճանաբար,  քայլ առ քայլ ընդամենը ստեղծում է ապրելու համար  անտանելի պայմաններ արցախահայության համար։ Սա ուղղված է, ակնհայտորեն, արցախահայության դեմ  և նպատակը հասկանալի է ՝ «ինչքան հնարավոր է գնացեք, այստեղ դուք ապագա չունեք», բայց սա նաև արժեզրկում է ռուսական խաղաղապահ առաքելությունը ։ Ադրբեջանն այստեղ 2 խնդրիր է լուծում․ 3-րդ ն այն է, որ Ալիևն իր այս քայլերով  ռազմավարական գործընկերության հռչակագրին հակառակ քայլեր է անում»,-այս մասին ասուլիսի ժամանակ ասաց ՀՀ նախկին վարչապետ Խոսրով Հարությունյանը։ ։ 

Արցախում առաջացած հումանիտար աղետի մասին խոսելով, Խոսրով Հարությունյանը հարցադրեց․ « Իսկ ո՞ւր է Հայաստանը , ես չեմ լսել հայաստանյան իշխանությունների կողմից  Արցախում գազամատակարարման խափանման առումով  որևէ հոդաբաշխ  նախաձեռնություն։ Անհիմն չեն այն պնդումները, որ իշխանությունը վարժեցնում է իր հասարակությանը՝  լինել անտարբեր  արցախյան իրողությունների հանդեպ։ Անհիմն չեն այն պնդումները, ըստ որոնց ՀՀ իշխնությունները  ձեռ են քաշել Արցախից»,-ասաց Խոսրով Հարությունյանը։