Բերման ենթարկվածներից մեկի ծնոտը կոտրված էր, մեկի աչքն էլ այնպես էր վնասված, որ գուցե էլ չտեսնի. Մանուշ Եսայան

Ֆրանսիայի հրապարակում փաստաբանները, որոնք այցելել են Պռոշյան-Դեմիրճյան խաչմերուկում տեղի ունեցած բախումների հետևանքով ոստիկանական բաժանմունքներ բերման ենթարկված անձանց, մանրամասներ ներկայացրին: Փաստաբան Մանուշ Եսայանը նշեց, որ Արաբկիրի բաժնում ինը հոգի է եղել, որոնցից 4-ն ունեցել է մարմնական լուրջ վնասվածքներ:

«Երեքին տեղափոխել էին հիվանդանոց, ունեին կոտրվածքներ, մի հոգու մոտ աչքի հատվածում այնպիսի վնասվածք էր, որ հետագայում, հնարավոր է, այդ երիտասարդը լուրջ խնդիրներ ունենա, մի երիտասարդի մոտ ծնոտի լուրջ կոտրվածք էր», - ասաց նա: