Սպանվածը 24 ամյա Համիկ Միքայելյանն է․ Ապարանում հնչած կրակոցներից նոր մանրամասներ

Արդեն տեղեկացրել էր, որ այսօր կրակոցներ են հնչել Արագածոտնի մարզի Ապարան քաղաքի սկզբանամասում։ Մենք տեղեկացրել էինք, որ նախ վիճաբանություն է տեղի ունեցել ՔՊ պատգամավոր Մաթևոս Ասատրյանի հարազատների և ՔՊ Արագածոտնի փոխմարզպետ Էդգար Փարվանյանի հորեղբոր որդիների միջև, որի ընթացքում էլ հնչել են կրակոցներ։ Նախնական տեղեկությունների համաձայն կա մեկ սպանված, ևս հինգ վիրավոր։

Irakanum.am-ը տեղեկացել է, որ վիրավորներից երկուսի վիճակը ծայրահեղ ծանր է։ Վիրավորները տեղափոխվել են «Աստղիկ» բժշկական կենտրոն։

«Վիճաբանության թեման քաղաքական է եղել։ Մեր աղբյուրների փոխանցմամբ սպանվածը Ապարանի բնակիչ է՝ 24 ամյա Համիկ Միքայելյանը։  Վիճաբանության մասնակիցներից մեկն էլ Արագածոտնի անտառտնտեսություն  մասնաճյուղի տնօրեն Հայկ Գալստյանն է»,- գրում է լրատվամիջոցը։