Կապանի մերձակա գյուղերում, որոնցում տեղակայվել են ՀՕՊ զորամասերը, բնակիչներին տարհանում են

Տեղեկացրել էինք, որ թշնամին ինտենսիվ  կրակահերթ է սկսել Գորիսի ու Ջերմուկի ուղղությամբ։  Թշնամին անօդաչուներով Գորիսում շինություն է պայթեցրել։ Առայժմ հայտնի չէ՝ քաղաքացիակա՞ն, թե՞ ռազմական օբյեկտ է թիրախավորվել։

Լարված վիճակ է Սյունիքում, բնակիչները խուճապի մեջ են։

Նշենք, որ Օրագիր․news-ը տեղեկություն էր հրապարակել, որ այս պահին ՊՆ-ում նիստ է։

Կառավարությունից որևէ շարժ չկա, տեղական իշխանություններն են փորձում հասկանալ ինչ է կատարվում։ Կանանց, երեխաներին տեղափոխում են նկուղներ։

ՊՆ ինտեռնետային հարթակներում որևէ լուր չկա, իսկ հեռախոսազանգերի չեն պատասխանում։

Փորձում ենք պաշտոնական տեղեկատվություն ստանալ, որը լինելու դեպքում կհրապարակենք։