Փաշինյանի իմպիչմենտի պահանջի համար մեր ստորագրությունը կա, չկա ՔՊ-ի 18 ստորագրություն․ Վարդևանյան

Հայաստանում իշխանությունը պատկանում է ժողովրդին։ Այս մասին Ազգային ժողովի շենքի մոտ բողոքի ցույցի ժամանակ հայտարարեց «Հայաստան» խմբակցության պատգամավոր Արամ Վարդեւանյանը։

«Սա պարզապես հավաք չէ, այլ ժողովրդի հավաք։ Իշխանությունը պատկանում է ժողովրդին և միայն նրան: Այս հավաքն ընթանում է ամենադժվար պայմաններում։ Այստեղ բոլորի սիրտը ցավում է հարազատների ու մտերիմների համար։

Մեզ պետք է մեկ բան անել՝ ապահովել առանց Նիկոլի Հայաստան»,- ընդգծեց Վարդեւանյանը։

Նա հայտնեց, որ Փաշինյանի իմպիչմենտի պահանջը ստորագրել են «Հայաստան» եւ «Պատիվ ունեմ» դաշինքի պատգամավորները։ «Քաղաքացիական պայմանագրից» պատգամավորների ստորագրություններ չկան»

«ՔՊ-ի պատգամավորները պետք է իմանան՝ ժողովուրդը չի հեռանա, քանի դեռ այդ ստորագրությունները չկան»,- խոստացավ Վարդեւանյանը։