Վարժական հավաքի մասնակցին Ադրբեջանի առևանգելուց հետո ՊՆ-ն նոր վարժական հավաքի մասին է հայտարարում

Հայաստանում 2023 թվականի հոկտեմբերի 1-ից մինչև դեկտեմբերի 8-ը ներառյալ նախատեսվում է պահեստազորի առաջին խմբի առաջին և երկրորդ կարգերում հաշվառված շարքային, ենթասպա­յական և սպայական կազմերի պահեստազորայինների վարժական հավաքներ: Այս մասին տեղեկանում ենք ՀՀ կառավարության որոշման նախագծից, որը տեղադրված է e-draft.am-ում։

Ներգրավելու է մինչև 2059 քաղաքացի, որոնցից 1875-ը՝ շարքային և կրտսեր ենթասպայական կազմերի, 99-ը` ավագ ենթասպայական կազմի, 85-ը` սպայական կազմի պահեստազորայիններ՝ համազորային (մոտոհրաձգային, կապի, հետախուզական, ինժեներական), հրթիռահրետանային մասնագիտություններով:

Նշենք, որ այսօր ՊՆ-ն հայտարարություն էր տարածել, ըստ որի՝ քննվում են պահեստազորայինի՝ ադրբեջանական կողմում հայտնվելու հնարավոր վարկածը․ իսկ մինչ այդ, գերատեսչությունը հաղորդագրություն էր տարածել, ըստ որի, նախնական տվյալներով, մարտական դիրքը թողել է պահեստազորային, վարժական հավաքի մասնակից Գ. Ո.-ն: