«Ըըըը ո՞նց էր կոչվում…կանաչ. ըըը…». ՔՊ-ականը նախագիծ էր ներկայացնում

 ԱԺ-ն քննարկում է Հայաստանի և ՕՊԵԿ-ի միջազգային զարգացման հիմնադրամի միջև վարկային համաձայնագիրը վավերացնելու մասին հարցը. նախագիծը ներկայացրեց ՔՊ-ական պատգամավոր Նարեկ Գրիգորյանը, ինչին հետևեց «Հայաստան» խմբակցության պատգամավոր Արծվիկ Մինասյանը հարցը.

«Նշեցիք, որ այս վարկային ծրագիրն ուղղվելու է կոնկրետ դպրոցաշինությանը և այլ կարևոր բաների համար, Դուք տեսե՞լ եք էդ ծրագիրը, արդյո՞ք այս ծրագիրը՝ վարկն ուղիղ կապակցված է դպրոցների հե՞տ: Նման պարտավորություն ունե՞նք մենք էս համաձայնագրի շրջանակում»:

Ի պատասխան՝  Նարեկ Գիրհգորյանն ասաց, որ կոնկրետ նշված չէ՝ դպրոցաշինությանը, ճանապարհաշինությանը, բայց նախատեսվում է բյուջեի դեֆիցիտը լրացնել:

Արձագանքելով ՔՊ-ականին Արծվիկ Մինասյանը հիշեցրեց.

«Բյուջետային աջակցության վարկի առանձնահատկությունը հենց այն է, որ ոչ թե կապակցվում է  կոնկրետ ծրագրի հետ, այլ ընդհանուր հատկացվում է  պետությանը»: