Կոտայքում և Գեղարքունիքում նոր աղբավայրեր կլինեն. նախարար

Եկող տարում կլինի Կոտայք և Գեղարքունիքում աղբավայրերի ծրագիրը, որի շրջանակներում մեզ արդեն հաջողվել է մրցույթ հայտարարել, որին կարող են մասնակցել տարբեր ընկերություններ, վերջնաժամկետը հունվարի 20-ն է: Այս մասին դեկտեմբերի 23-ին տարեվերջյան ասուլիսի ժամանակ ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը.

«Կոտայքում և Գեղարքունիքում ունենալու ենք խոշոր աղբահանության համար կենտրոններ, որտեղ աղբը կուտակվելու, տեսակավորվելու է, որից հետո աղբն արդեն արժեք կունենա և եկամուտ կապահովի պետության ու ընկերության համար»:

Ինչ վերաբերում է ճանապարհաշինարարությանը՝ Սուրեն Պապիկյանն ասաց.

«Կարողացել ենք 360 կմ ճնապարհ նորոգել, հիմնանորոգել, և սա այն ձեռքբերումն է, որը մեր նախարարությունն ունեցել է: Ամեն ինչ շատ լավ է, բայց համակարգը ստերիլ չէ, կան բազմաթիվ խնդիրներ, որոնց չենք կարող չանդրադառնալ: Ունեցել ենք ոչ բարեխիղճ կապալառուներ, որոնց նկատմամբ որոշակի պատժամիջոցներ ենք կիրառել»: