Կյանքից հեռացել է հայտնի երգիծաբան, գրող Միխայլ Ժվանեցկին

86 տարեկան հասակում կյանքից հեռացել է հայտնի երգիծաբան, գրող  Միխայլ Ժվանեցկին: Այս մասին հայտնում է  РИА Новости-ն: Նրա մահվան մասին իր ինսթագամյան էջում հայտնել  է Ալլա Պուգաչովան՝ նշելով,  որ կորցրել է իր մտերիմ, անփոխարինելի ընկերոջը:

Ներկայացնում ենք Ժվանեցկի լավագույն մտքերից մի քանիսը:

Մտածելն այնքա՜ն դժվար է. Այդ պատճառով էլ մարդկանց մեծամասնությունը դատում է:

 Եթե դու վիճում ես հիմարի հետ, հնարավոր է, որ նույն բանը նա է անում:

Երբեք մի գերագնահատեք թշնամիների հիմարությունը և ընկերների հավատարմությունը:

Փոքր չափաբաժիններով ալկոհոլն անվնաս է ցանկացած քանակությամբ:

Սարսափելի չէ, երբ քեզ վրա ծիծաղում են. ավելի սարսափելի է, երբ քեզ վրա արտասվում են:

Իմաստնությունը միշտ չէ, որ գալիս է տարիքի հետ: Պատահում է, որ տարիքը միայնակ է գալիս:

Ավելի լավ է լռել ու հիմարի տպավորություն թողնել, քան խոսել ու դրանում ոչ մի կասկած չթողնել:

Կյանքը դաշնամուրի պես է՝ սև և սպիտակ ստեղներ և կափարիչ: