Առողջապահության նախարարությունը հաստատել է կորոնավիրուսի դեմ Sputnik V ռուսական պատվաստանյութը

Հայաստանի առողջապահության նախարարությունը հաստատել է կորոնավիրուսի դեմ Sputnik V ռուսական պատվաստանյութը, հայտնում է Ռուսաստանի ուղղակի ներդրումների հիմնադրամը:

«Sputnik V-ի օգտագործման թույլտվություն տված ԱՊՀ երկրների շարքում Ռուսաստանի գործընկերների թիվը անընդհատ աճում է: Այսօր մենք հայտարարում ենք Հայաստանի առողջապահության նախարարության կողմից Sputnik V-ի հաստատման մասին, որը թույլ է տալիս երկրին սկսել բնակչությանը պատվաստել աշխարհում լավագույն կորոնավիրուսային պատվաստանյութերից մեկով»,- ասել է Ռուսաստանի ուղղակի ներդրումների հիմնադրամի գործադիր տնօրեն Կիրիլ Դմիտրիեւը: