Մեծ արտահոսք չի եղել, որովհետև դրա հնարավորությունն էլ չի եղել. Զարեհ Սինանյան

Ես ծանոթ չեմ այդ թվերին, չնայած չեմ զարմանում, ամեն դեպքում կարծում եմ միգրացիոն ծառայությունը թվերն ունի և դրա հիման վրա վարչապետը նման եզրակացություն է արել: Կառավարությունում լրագրողների հետ ճեպազրույցում ասաց Սփյուռքի գործերի գլխավոր հանձնակատար Զարեհ Սինանյանը՝ անդրադառնալով վարչապետի այն հայտարարությանը, որ ավելի շատ Հայաստան եկել են, քան գնացել:

«Տենդենցը որ դրական է եղել անցած տարի, դրա մասին տեղյակ ենք, այո, բայց խորքային որևէ վերլուծություն չենք անցկացրել, թե ոնց են եկել, որքա՞ն ժամանակով են եկել, որքա՞ն կմնան և այլն»: