Հասարակական գիտակցության մակարդակը չի համապատասխանում մեր առջև ծառացած խնդիրների բարդությանը. Ալավերդյան

Թող ինձ բոլորը ներեն, բայց հասարակական գիտակցության մակարդակը Հայաստանում չի համապատասխանում այն խնդիրների բարդությանը, որոնք ծառացել են մեր առջև: Լրագրողների հետ հանդիպմանն ասաց իրավապաշտպան Լարիսա Ալավերդյանը: 

«Ես հստակ ասում եմ՝ այն քաղաքացիական, հասարակական գիտակցության մակարդակը, որն այսօր գոյություն ունի, չի համապատասխանում այն խնդիրների բարդությանը, որոնք ծառացել են մեր առջև, սա է խնդիրը: Կարող է մի քիչ բարդ է հնչում, բայց եթե մենք չփորձենք խոսել երևույթների մասին հենց այն լեզվով, որով որ կարելի է բնութագրել և ուղղակի ցույց տալ՝ դա ինչ է, մենք կմնանք այն պրիմիտիվ մակարդակում, որը մեզ պարտադրվում է հենց այսօր իշխանության մեջ ոչ պատահական հայտնված, պրիմիտիվ մտածելակերպով, շատ ագահ, մեծ ախորժակով մարդկանց կողմից»: