Մեզ խանգարում է նաև այն, որ պատերազմից ողջ մնացած տղաները շատ բան կարող են ասել, բայց լռում են․ Մանուշակ Ստեփանյան

Նոյեմբերի 9-ին ստորագրվեց խաղաղության պայմանագիր, բայց առանց պայմանների։ «Ճշմարտություն սերունդների համար» նախաձեռնության կազմակերպած քննարկման ժամանակ ասաց  Մայր Մանե հասարակական կազմակերպության նախագահ Մանուշակ Ստեփանյանը։

«Հայաստանն առանց պայմանների թուղթ է ստորագրել, և մենք մինչև այսօր տուժում ենք այդ ստորագրած թղթի պատճառով։ Մենք միայն զոհում ենք՝ ինչպես մեր մարդկային կորուստներ, այնպես էլ մեր տարածքները, և ոչ ոք դեկտեմբերի 27-ի համար պատասխանատվություն չկրեց, նրանք զինվորներ էին, ովքեր հրաշքով ողջ էին մնացել։ Նրանք երկու ամսվա ծառայած տղաներ էին, և նրանցից երկուսը դեռ երկու օրվա վիրահատված, և այդ բժիշկը նույնիսկ պատասխանատվություն չկրեց, որ նրանց կարերը չքանդված, հասցրել և տարել էր դիրքեր»։