Իմաստ չունի փողոցից մարդուն հրավիրել թեստ անելու․ Նիկոլ Փաշինյան

Անցնող օրվա ընթացքում ունեցել ենք կորոնավիրուսի 26 նոր դեպք, ընդհանուր թիվը դարձել է 1039, 14 անձ ապաքինվել  և դուրս է գրվել, հետևաբար ընդհանուր բուժվածների թիվը դառնում է 211: Այս մասին կառավարության արտահերթ նիստում հայտարարեց առողջապահության նախարար Արսեն Թորոսյանը:

«Ցավոք ունեցել ենք ևս մեկ մահ, մահերի թիվը դարձել է 14: Այս պահին ակտիվ դեպքերի թիվը 814 է: նաև ուզում եմ տեղեկացնել, որ շաբաթ-կիրակի օրերին բավական մեծ թվով թեստեր են արվել: Շաբաթ արվել է 680, իսկ կիիրակի՝ 467 թեստ»,-ասաց նա:

Նիկոլ Փաշինյան էլ  նշեց, որ գործականում ունեն օրական հազար թեստ անելու հնարավորություն, պարզապես պետք է ցուցում ունենան, որ թեստ անեն. «Ուղղակի իմաստ չունի փողոցից մարդուն հրավիրել և ասել՝ եկեք ձեզ թեստ անենք»: